الصعوبة الأولى.. إنك هاتكون عامل زى الطفل المولود جديد.. بتخرج للحياة ومعاك كل المخاوف زى ما معاك كل الفرص.. بتتعرف على نفسك وعلى اللى الناس وكأنك بتشوفهم لأول مرة.. بتختار اختيارات جديدة.. و تمشى فى سكك مختلفة.. حتى لو كانت مُوحشة.. أو مهجورة..

الصعوبة التانية.. هى إن التغيير ليه تمن.. والتمن ده ممكن يكون غالى جداً..

الكتاب ده عن التغيير.. عن خطواته.. وعن تمنه..

عن احتياجاتك.. ومخاوفك.. وحقوقك النفسية..

عن قراراتك اللى أخدتها زمان.. وقراراتك اللى هاتخدها دلوقت..

الكتاب ده هاينقلك بهدوء وثقة.. من مرحلة (الحبو) خارج النص..

و(المشي) فوق أشواك العلاقات الخطرة وتجاوزها..

إلى الضرب على الأرض بشكل إيقاعى متتابع ومبهر..

وكأنك راقص فلامينكو محترف..

يرقص فوق آلامه.. ويزلزل القلوب أمام عينيه..

يعلن عن نفسه فى وجه العالم.. مع كل دبدبة عالية مدوية من قدميه..

يرفع عنقه نحو السماء.. ويغرس بذور وجوده الجديد فى أعماق الأرض..

جهز قلبك وعقلك وروحك..

لتقابل نفسك..

كما لم تعرفها من قبل..